Mogilev Live

Першыя ідэі: інклюзія

Першыя ідэі: інклюзія

«Першыя ідэі: інклюзія»: крэатон для старшакласнікаў у Магілёве

 

1 лютага ў Магілёве адбудзецца крэатон для старшакласнікаў, тэмай якога стане інклюзія ў Беларусі.

 

Старшакласнікам прапануюць пагутарыць пра камфортнасць гарадской прасторы для людзей з асаблівымі патрэбамі і магчымасці іх удзелу ў грамадскім жыцці.

 

Спачатку школьнікі паглядзяць некалькі відэаролікаў выступленняў сусветна вядомых спікераў. Убачанае патлумачыць эксперт, які сутыкаецца з узнятымі пытаннямі ў сваёй працы. Ён жа паставіць удзельнікам канкрэтную задачу. Затым яны падзеляцца на каманды і калектыўна абмяркуюць, якія ідэі можна было б прапанаваць для дасягнення пастаўленай мэты, а затым прэзентуюць свае задумы перад аўдыторыяй.

 

Па выніках абмеркавання журы з ліку экспертаў па вызначаных тэмах, прадстаўнікоў кампаніі А1і акадэмічнай супольнасці абярэ лепшыя выступленні, ідэі і ўзнагародзіць іх аўтараў.

 

Да ўдзелу запрашаюцца вучні 9-х, 10-х і 11-х класаў з усёй краіны, якім цікава патрэніравацца генерыраваць ідэі, а таксама прадстаўляць іх на публіцы і атрымаць парады ды каментары ад экспертаў. Удзел у крэатоне – бясплатны па папярэдняй рэгістрацыі.

 

Крэатон праводзіцца ў рамках сацыяльна-адукацыйнага праекта «Першыя» – рэспубліканскага конкурсу ідэй для старшакласнікаў краіны, які рэалізуецца кампаніяй А1 пры падтрымцы арганізатараў канферэнцый TEDxMinsk. Збор заявак яшчэ працягваецца.

 

Дзе: канферэнц-зала бізнес-цэнтра «Атрыум» (вул. Першамайская, 57)

 

Калі: 1 лютага 2020 г. з 11:00 да 15:00

 


Опубликовано: 24, 01, 2020